Kryeministri maqedonas, Zoran Zaev ka pretenduar se rusët kanë dashur që të minojnë marrëveshjen e arritur me Athinën për emrin e ri.
Ai tha se anëtarët e grupit të tifozëve “Komiteti”, kanë marrë para nga biznesmenë në Rusi për të marrë pjesë në protestat kundër marrëveshjes me Greqinë.
Po ashtu sipas tij, edhe biznesmenë nacionalistë grekë kanë dashur të hedhin para në Maqedoni, për të provokuar protesta e dhunë kundër arritjes së marrëveshjes.
Ai tha se të gjitha këto i ka mësuar nga raportet policore.
Zaev theksoi se Maqedonia është një vend i vogël që dëshiron të ndërtojë një miqësi me të gjithë, duke përfshirë edhe Federatën Ruse, por nuk ka alternativa të tjera pos anëtarësimit në BE dhe NATO. /tesheshi.com/
