Lideri i LSDM-së, Zoran Zaev, as që e ka përfillur “përgjërimin politik e atdhetar” të rivalit të tij, Gruevski që të refuzojë kërkesat e shqiptarëve, qoftë dhe duke e futur atë vetë në burg.
Në hyrje të vilës presidenciale për t’i dorëzuar nënshkrimet e 67 deputetëve, lideri i LSDM-së, Zoran Zaev u shpreh para gazetarëve duke thënë se kjo është një ditë historike për Maqedoninë, dhe pret që sa më shpejtë të jetë e mundur të merr mandatin për formimin e qeverisë.
Zaev u shpreh optimist se gjatë periudhës në vazhdim, do të ketë një transferim të qetë të pushtetit.
Për atë që do të bisedohet me Ivanovi dhe përgjigjet e tij, LSDM do të njoftoj me kumtesë.
Nga ana tjetër partia shqiptare BDI, ndonëse kishte paralajmëruar për sot, megjithatë për një kohë të pacaktuar e ka anuluar seancën e Kryesisë Qendrore.
Në këtë seancë BDI duhej të merr vendim nëse do të jetë pjesë e Qeverisë së ardhshme të formuar nga LSDM, ose do të përkrah LSDM-në por do të ngelet në opozitë.
Sipas informacioneve brenda BDI-së, seanca do të thirret menjëherë pasi shefi i shtetit Gjorgje Ivanov, do të ja dorëzoj mandatin liderit të LSDM-së, Zoran Zaev.
Tani për tani, çelësi për formimin e qeverisë qëndron në duart e presidentit Ivanov, nëse do ia dorëzojë mandatin Zaevit ose do të shpallë gjendje të jashtëzakonshme, duke u thirrur në mospranimin e Platformës së partive shqiptare si goditje e rëndë ndaj sovranitetit shtetëror.
M.Krasniqi – /tesheshi.com/
