Kreu i partisë opozitare maqedonase, LSDM, Zoran Zaev, i cili pas tentativës së dështuar të VMRO-së për formimin e qeverisë, pretendon të marrë pushtetin me ndihmën e partive shqiptare, ka konfirmuar se mbrëmë vonë nga BDI ka marrë dokumentin me zgjidhjet e propozuara të Ligjit për Përdorimin e Gjuhëve.
Ai shtoi se personalisht nuk e kishte parë përmbajtjen e dokumentit, por theksoi se ai po shqyrtohet nga një grup pune i përbërë nga Oliver Spasovski, Radmilla Shekerinska dhe Renata Deskoska.
“Për ne është e pranueshme që gjithçka që është e pranuar në korniza të Kushtetutës dhe nevojave të qytetarëve të shqiptarëve ose cilës do pakicë në tjetër. Propozimi të jetë i qëndrueshëm sipas Kushtetutës dhe t’i shprehë nevojat praktike të qytetarëve. Me këso korniza të gjera nuk mundemi që të sjellim vendim. Ashtu siç thash, propozimi ka arritur mbrëmë vonë dhe do ta shqyrtojmë”, ka thënë Zaev.
Numri një i LSDM-së gjithashtu tha se për formimin e qeverisë duhet të gjendet një zgjidhje e shpejtë.
Nga BDI disa herë me rradhë kanë thënë se njëra ndër arsyet e mosmarrëveshjes për formimin e qeverisë me VMRO-në është pikërisht gjuha shqipe. /tesheshi.com/
