Tashmë është e ditur se nuk është arritur marrëveshje mes kryeministrit Zoran Zaev dhe kryetarin e Aleancës për Shqiptarët Ziadin Sela për portofolin e Shëndetësisë, që t’i takojë këtij të fundit.
Kjo pasi Zaev ka zgjedhur tjetër emër në vend të Vullnet Feratit, propozimit të Selës. Zaev tha se ministri i ri i Shëndetësisë do të jetë Venko Filipçe, këshilltari i tij i deritanishëm për Shëndetësi, si një ekspert por edhe specialist i njohur. Ai tha se këtë ministri ia kishte dhënë Arben Taravarit si një specialist i mirënjohur fushe, bdërsa tha se nuk di se si do të zhvillohet puna me zv/ministrat e Aleancës dhe funksionarët e tjerë, duke nënkuptuar se pret vendimin e kësaj partie.
“Askuj nuk i takon me prioritet Shëndetësia, por shkohet me kualitet, zgjedhja bëhet për person, jo për parti. Më vjen keq për Selën sepse ai ka qenë krah për krahë me mua në Kuvend, dhe për këtë arsye kaq shumë zgjatën këto bisedime, por nuk gjetëm zgjidhje të përbashkët. Shpresoj që edhe më tej do të ndërtojmë bashkëpunim dhe jo vetëm me Aleancën, por edhe me opozitën”, deklaroi Zaev.
Kuvendi Qendror i Aleancës Shqiptare pritet të zhvillojë takim të dielën, dhe nga aty të komunikohet vendimi për mbetje apo jo në qeveri, në kushte të tilla. /tesheshi.com/
