Zaev pas takimit me Hahn: Populli po e humb durimin!

Pas takimit me liderët e partive politike shqiptare, eurokomisioneri Hahn dhe tre eurodeputetët Eduard Kukan, Ivo Vajgël dhe  Knut Flekenshtajn vazhduan takimet edhe me me liderin e LSDM-së, Zoran Zaev.

Zaev pas takimit tha se mesazhet e eurodeputetëve dhe eurokomisarit janë të qarta, ku çdo ditë e humbur për Maqedoninë, është e humbur edhe për gjithë qytetarët dhe perspektivat evropiane.

“Jemi dakorduar se proceset duhet të vazhdojnë. Një ditë e humbur për Maqedoninë, është ditë e humbur për të gjithë qytetarët, edhe për perspektivat Evropiane të Maqedonisë. Përshpejtimi i procesit nuk do të thotë se duhet të mos jemi të kujdesshëm për ndaj të gjithë provokimeve që ndodhin nga ana tjetër. Por një gjë është e qartë: Duhet të përshpejtojmë”, ka thënë  Zaev pas takimit.

Ai gjithashu tha se tërë kohën janë me një përkushtim të madh ndaj këtij procesi.

“Ne nuk do të lejojmë të bllokohet përzgjedhja e kryetarit të Kuvendit. Proceset duhet të lëvizin. Këto janë procese që janë në të mirë të vendit. Qytetarët po e humbin durimin, presin të flitet për reforma, të shohin se si ecë përpara Maqedonia. Vendime duhet të sillen”, tha Zaev.

“Ne presim që të largojmë këto dy arsyeje jo të logjikshme. Për 10 ditë kryetari i Kuvendit do t’i sugjerojë presidentit që të jep mandatin. Kemi publikuar programin e cila forcon unitaritetin dhe aspiratat e tonë euroatlantike”, shtoi mes tjerash Zaev.

Sipas Zaev, LSDM vazhdon të jetë në pritje të mandatit nga ana e presidentit Ivanov, ndërkohë që deri në fund të javës pritet që Kuvendi të mbajë seancë të rregullt. /tesheshi.com/