Shpresat e shqiptarëve për ta dëgjuar të vërtetën rreth rastit “Monstra”, lideri i opozitës maqedonase të LSDM-së ende i mban të gjalla.
Zaev, nga qyteti i Strugës paralajmëroi se do të vazhdoj me publikimin e të ashtuquajturave bomba, ku një kohë të gjatë pretendohet se posedon dëshmi edhe për Monstrën, nëse nuk zgjidhet Prokurori special sipas Marrëveshjes deri më 15 shtator.
Kjo Marrëveshje u mbajt para 1muaji nga liderët e partive më të mëdha në pushtet dhe opozitës maqedonase dhe asaj shqiptare nën mbikëqyrje të ndërkombëtarëve.
“Patjetër duhet të zgjidhet Prokurori special deri më 15 shtator, tjetër zgjidhje nuk ka, garantuesit e bashkimit ndërkombëtar i kemi këtu, kthim mbrapa s’pranojmë”, tha Zoran, Zaev.
Ai më tej shtoi se, pret deri në zgjedhjet e ardhshme të sillen aktakuzat, ndërsa amnestione të reja nuk i nevojiten Maqedonisë. Sipas tij, nëse nuk kanë ku t`i dorëzojnë materialet me akuza dhe dëshmi, do vazhdojë me publikimin e bombave, pasi që askush nuk mund t’i ik obligimeve të marra në përgjegjësi sipas kësaj marrëveshje.
Siç është e njour tani më janë të gjykuar me burg të përjetshëm nën akuzë se në fillim të vitit 2012 Fejzi Haziri, Alil Demiri, Sejdi Rami, Afrim Isamiloviq dhe Agim Isamiloviq, janë marrë vesh të kryejnë vrasje të më shumë personave të përkatësisë etnike maqedonase në territorin e fshatit Smllkovcë, në vendin e quajtur ‘Liqeni i Smilkovcës’ me qëllim të destabilizimit të Maqedonisë, për çka nga 9 prilli deri 12 prill kanë shkuar dhe kanë shikuar terrenin rreth liqenit të Smilkovcës për të parë persona të cilit nacionalitet vizitojnë këtë lokalitet.
Në listën e të gjykuarve ndodhet edhe Haki Haziri, i cili së pari ka qenë dëshmitar i mbrojtur, ndërsa më pas i akuzuar. /tesheshi.com/
