Kryeministri i Maqedonisë Veriore, Zoran Zaev, tha se “nuk do i ndodh vendit të tij” që të anëtarësohet në Bashkimin Euroaziatik dhe theksoi se Bashkimi Evropian është opsioni i vetëm.
“Nuk ka asnjë ftesë të tillë. Asnjëherë nuk na ndodh që të anëtarësohemi në Bashkimin Euroaziatik dhe shpresoj që një ftesë e tillë të mos vijë”, tha Zaev në një konferencë shtypi.
Sipas disa mediave rajonale, përfaqësuesi rus në Bashkimin Evropian, Vladimir Chizov tha në Forumin Ekonomik Euroaziatik se Maqedonia Veriore dhe Shqipëria morën ftesa për t’u anëtarësuar në Bashkimin Euroaziatik pasi nuk morën një datë për të filluar negociatat me Unionin.
Zaev shtoi se ai ende shpresonte të hapte kapitujt e negociatave për anëtarësimin në BE.
“Nëse Evropës i duhet kohë, do ta ketë. Liderët e BE-së tani mund të flasin dhe madje të aplikojnë një metodologji të re nëse është e nevojshme. Ndërkohë, Maqedonia Veriore është e rrethuar nga shtetet anëtare të BE-së si një ishull. Nuk ka asnjë alternative për anëtarësimin në BE. Ne kemi marrë vendime të guximshme, pavarësisht nga e ardhmja e karrierës sonë politike. Anëtarësimi në NATO është një marrëveshje e bërë, edhe nëse fillimi i negociatave të pranimit me BE vonohet”, tha Zaev. /tesheshi.com/
