Kryelajmi i mbledhjes së përbashkët mes dy qeverive, asaj shqiptare dhe asaj maqedonase në Ohër, ka qenë deklarata e Zaevit mbi ligjin e gjuhës shqipe që do miratohet në janar.
“Shpresoj se ligji do të aprovohet diku në fund të janarit në pajtim me axhendën që do të paraqitet nga kryetari i Kuvendit. Ftoj të gjitha partitë politike të mbështesin këtë ligj sepse ky ligj paraqet një drejtim bashkëkohor, një shoqëri për të gjithë ku në pajtim me Kushtetutën qytetarët e bashkësisë së dytë sipas madhësisë, shqiptarët por gjithashtu edhe pjesëtarët e bashkësisë të tjera do të fitojnë një realizim të të drejtës së tyre kushtetuese, përdorimit të gjuhës së tyre amtare”, tha Zaev, për çka morri komplomentat e homologut Rama.
“Dua ta përgëzoj kryeministrin Zaev për kurajon dhe vendosmërinë për axhendën e tij programore e elektorale, si dhe njehsimin e ligjit të gjuhëve në Parlament, e për mbajtjen e zotimit madhor lidhur me gjuhën shqipe. Presim që ligji të kalojë e të nisë zbatimi sa më shpejt. Kështu forcohet më shumë themeli i Maqedonisë së të ardhmes”, tha Rama. /tesheshi.com/
