Në Maqedoni vijojnë akuzat e ndërsjellta mes LSDM-së dhe VMRO-së, ku gara është se kush e do më shumë vendin. Partia e Zaevit, ndërsa ky i fundit është në pritje të një ndryshim qëndrimi nga ana e Presidentit Ivanov për t’i dhënë mandatin e formimit të qeverisë, e akuzon partinë Gruevskit si se punon kundër interesave kombëtare dhe shtetërore duke nxuitur dhunë e konflikte. Nëpërmjet një deklaratë të fundit nga ana e LSDM-së, kërkohet që kreu i shtetit t’ja japë mandatin Zaevit, si kusht për stabilitet politik, transferim ë paqtë të pushtetit dhe qeverisje cilësore.
“Qytetarët kërkuan politika të reja reale të cilat do t’u mundësojnë një jetë dinjitoze, rroga më të larta dhe një standard kualitativ jetësor. Programi i qeverisë së re reformuese e garanton unitaritetin e shtetit dhe mundëson zhvillimin e mëtutjeshëm të vendit. Prandaj, Ivanov është i obliguar që ta respektojë Kushtetutën, t’ia japë mandatin Zoran Zaevit i cili siguroi 67 nënshkrime për formimin e qeverisë, dhe të mundësojë kështu transferimin e qetë të pushtetit”, thuhet në deklaratën e LSDM-së.
Nëj ditë më parë, pasi bëri dhe prezantimin e programit qeveritar, Zaev i la dhjetë ditë afat Ivanovit që ky i fundit t’ja dorëzon mandatin; por pa e thënë se çdo të ndodhë më pas nëse sërish vijon refuzimi. /tesheshi.com
