Kryeministri maqedonas Zoran Zaev tha se autoritetet maqedonase dhe greke duan t’u japin zgjidhje problemeve mes tyre njëherë e përgjithmonë, dhe se vendi i tij mund të ndërtojë marrëdhënie miqësore drejt marrëveshjeve për të mirën e të dy vendeve.
I ndodhur në Bruksel, aty ku reporteri i portalit Euroaktiv e quajti “kryeministër të Republikës së Maqedonisë Veriore:, emri i ri i marrëveshjes së negociuar midis Athinës dhe Shkupit, Zaev ka thënë se për të mirën e kombit të dy vendet arritën një kompromis.
I pyetur nëse një kompromis është i mirë dhe se Maqedonia do të fillojë negociatat e pranimit vitin e ardhshëm, pas zgjedhjeve evropiane, Zaev tha se “Mali i Zi ka filluar negociatat e pranimit në shtatë muaj e gjysmë pas vendimit të Komisionit Evropian, Serbia pas muajsh nëntë e gjysmë e vendimit, e në rastin tonë do të jetë 12 muaj “.
“Jam i kënaqur që kemi një vendim të drejtë, i cili u jep mundësi politikanëve të sotëm dhe trashëgimtarëve të tyre dhe brezave të ardhshëm të bashkëpunojnë nëpërmjet tyre për marrëdhënie më të mira”, tha Zaev.
Sa i përket qëndrimeve refuzuese të opozitës në lidhje me marrëveshjen për emrin, dhe e cila nuk pranon ndryshi Kushtetute, Zaev tha se tek ajo ka një kontradiktë, gjersa e shpreh me të madhe vizionin e saj europeist.
“Ka një kontradiktë. Nëse ne jemi për NATO dhe BE, duhet të jemi gati për një kompromis”, tha kryeministri maqedonas. /tesheshi.com/
