Udhëheqësi i partisë në pushtet në Maqedoninë Veriore, Aleanca Socialdemokrate (LSDM), Zoran Zaev, tha që zgjedhjet e parakohshme parlamentare në vend do të shtyheshin nëse nuk miratohej më parë ligji për Prokurorinë Publike.
Nëse VMRO-DPMNE, BDI, PDSH, BESA, DOM, LDP dhe partitë e serbëve, romëve dhe turqve dëshirojnë që zgjedhjet të mbahen më 12 prill, kur dhe janë caktuar, duhet të miratohet një ligj për prokurorinë publike, sepse kështu u ra dakord – tha Zaev.
Akti i Prokurorisë Publike, ratifikimi i Protokollit të pranimit në NATO, si dhe ligji i mbrojtjes janë të gjitha pjesë e rendit të ditës që duhet të përfundohen, pretendon Zaev, duke shtuar se të gjitha palët ranë dakord për këtë para se të shpërndahej mbledhja e 12 shkurtit.
“Nëse dikush e prish atë, atëherë shpërbërja e Kuvendit dhe thirrja e zgjedhjeve nuk do të ndodhin”, thekssoi Zaev.
Kryeministri teknik i Maqedonisë Veriore, Oliver Spasovski, tha të hënën se ai nuk beson se do të ketë vonesë në zgjedhje, por nëse kjo ndodh, do të mbahet një ose dy muaj më vonë. /tesheshi.com/
