Lideri i opozitës maqedonase është i bindur se kryeministrit Gruevski do t’i duhet të përgjigjet për shpërdorimin e pushtetit dhe krimet e tij. Duke folur në një intervistë për të përjavshmen Fokus, ai thotë se deri në fund të këtij viti, Gruevski do të duhet të dalë përpara Drejtësisë.
Zaev shprehet i bindur se prokurori Special do ta nxjerrë përpara Drejtësisë kryeministrin aktual, ndërsa paralajmëron se të ashtuquajtura bomba ka ende, përfshirë edhe ato për rastin Monstra.
Këto argumente, ai thotë se do t’i dorëzohen prokurorit të ri në formë të padive që po përgatiten nga një grup pune partiak. Prokurori special sipas Zaev do të vendosë Drejtësi për për palët e dëmtuara në aferën e përgjimeve.
“Pres edhe si njeri edhe si politikan një hetim të pavarur dhe apeloj, nëse Zaevi me njerëzit e tij janë fajtorë, le të përgjigjen, por nëse Gruevski dhe njerëzit e tij janë fajtorë, edhe ata të përgjigjen. Nuk duhet të kursehet askush”, thotë Zaev.
Prokurori special do të zgjidhet më 15 shtator me konsensus të katër partive më të mëdha, VMRO, LSDM, BDI dhe PDSH. Më 1 shtator Zaev pritet edhe kthimi i deputetëve të opozitës në Kuvend, ashtu siç është parashikuar në marrëveshjen e negociuar nga ndërkombëtarët për zgjidhjen e krizës politike në Maqedoni. /tesheshi.com/
