Kryeministri maqedonas Zoran Zaev ka hedhur dyshime se ish-paraardhësi i tij Nikolla Gruevski, edhe mund të jetë rrëmbyer. Në një dalje publike për çështjen më të rëndësishme të orëve të fundit në Maqedoni, shefi i qeverisë së Shkupit, tha se priste që Hungaria të qartësonte gjithçka mbi fatin e njeriut që siç tha, duhej me patjetër që të kthehej në vend për të vuajtur dënimin me dy vite burg.
“Ne do të bëjmë gjithçka që Nikolla Gruevski të vuajë dënimin këtu në Maqedoni. Por publikisht po parashtroj pyetjen: a e ka lëshuar vullnetarisht zoti Gruevski Maqedoninë para se Gjykata ta lëshonte urdhërin për arrestimin e tij, apo është rrëmbyer? Pres përgjigje edhe nga Gruevski edhe nga Hungaria”, tha Zaev.
Ky i fundit nuk ka sqaruar arsyet se përse dyshon që “hasmi” i tij politik edhe mund të jetë rrëmbyer.
Më afër logjikës është që ai jetë arratisur, për t’ju shmangur hekurave. Vendi që ka gjetur për strehim, ku dhe ka kërkuar azil politik – Hungaria – qeveriset nga miku dhe aleati i tij Viktor Orban. /tesheshi.com/
