Lideri i LSDM-së, Zoran Zaev nga Sarajeva, ku po qëndron për vizitë, ka thënë se nënshkrimet për marrjen e mandatit janë siguruar, dhe se qeveria e re do të formohet në muajin mars.
“Tani duhet patjetër që të merremi vesh për ndarjen e ministrave dhe për platformën reformuese të qeverisë së ardhshme”, ka thënë Zaev gjatë një vizite në kryeqytetin boshnjak.
Zaev është dashur të paraqitet në seancë për rastin “Mitmarrja”, megjithatë kjo nuk ndodhi, pasi që siç tha avokati i tij, sot në Sarajevë ka shkuar që ta pranojë çmimin për “kryetari më i mirë i komunës në Evropën Juglindore”.
Ndryshe, nëpër mediat maqedonase po qarkullon një lajm me të cilën janë mësuar edhe ministritë të cilat LSDM ia ka ofruar BDI-së pë qeverinë e re.
Kështu, oferta e LSDM-së ndaj BDI-së është si vijon:
Kryetar i parlamentit
Zv/kryeministër për Implementimin e Marrëveshjes së Ohrit
Zv/kryeministër për eurointegrime
Ministria e Drejtësisë
Ministria e Punëve të Jashtme
Ministria e Arsimit dhe Shkencës
Ministria e Shëndetësisë
Ministria e Punës dhe Politikës Sociale
Ministria e Ekonomisë
Drejtoria për Siguri Publike
Dhe Drejtoria e Doganës ose Drejtoria e të Ardhurave Publike.
Mirëpo nga ana tjetër BDI ende nuk ka dalë me ndonjë qëndrim zyrtar lidhur me këto informacione sa i përket ministrive përkatëse, por takimet e tyre me LSDM-në dhe Aleancën për Shqipëtarët po vazhdojnë intensivisht. /tesheshi.com/
