Pas premtimeve të njëpasnjëshme, lideri i LSDM-së Zoran Zaev pasditen e së mërkurës i ka dorëzuar materialet e përgjimeve, ose ndryshe “bombat” tek Prokuroria Speciale, pra në dorë të Katica Janevës.
Zaev, i shoqëruar nga bashkëpunëtorët e tij, kanë bërë dorëzimin e këtyre materialeve që janë në numër shumë të madh, pasi javë me rradhë ka pasur presion nga pozita se edhe pas skadimit të afatit ai nuk i kishte dorëzuar, nga frika se në këto përgjime ka pasur biseda edhe të bashkëpartiakëve të tij.
Në pyetjen gazetareske se a i ka dorëzuar edhe materialet e rastit Monstra, Zaevi është përgjigjigjur:
“E gjitha që na është dhënë, sot e kemi dorëzuar në Prokurinë Speciale Publike. Sigurisht, këtu janë edhe transkriptet që kemi folur në pres-konferenca të lidhura me rastin Monstra, po edhe shumë raste të tjera, për të cilat qytetarët do të presin gjykim të drejtë. Unë shpresoj se drejtësia do të mirëpresë të gjithë njerëzit të mirë, unë shpresoj se Maqedonia do të bëj progres në rrugën e drejtësisë dhe sundimit të ligjit”, ka theksuar Zaevi, pas dorëzimit së materiale të përgjuara. /tesheshi.com/
