Kryeministri maqedonas nuk sheh asgjë të diskutueshme në deklaratën e homologut të tij shqiptar për hapjen e kufijve me fqinjët e saj.
Kryeministri maqedonas Zoran Zaev tha, duke komentuar deklaratën e kryeministrit të Shqipërisë, Edi Rama që, përveç kufirit me Kosovën, dëshiron të hapë kufirin me Maqedoninë, Malin e Zi dhe Greqinë, se dhe ai do të kishte bërë të njëjtën gjë, sepse kjo do të thotë që të përfitojë i gjithë rajoni.
“Do t’i hapja menjëherë të gjitha kufijtë”, tha Zaev.
Ai thotë se nuk sheh ndonjë gjë të diskutueshme në deklaratën e kryeministrit shqiptar për hapjen e kufijve me fqinjët e saj, duke përfshirë edhe me Maqedoninë.
Sipas Zaevit, hapja e kufijve do të sillte “përfitime ekonomike duke përshpejtuar qarkullimin e mallrave dhe njerëzve.”
Rama, në mesazhin e tij të Vitit të Ri, tha se hapja e kufirit me Kosovën është vetëm fillimi dhe se në plan është e njëjta procedurë, kur bëhet fjalë për Malin e Zi, Maqedoninë dhe Greqinë.
Më herët u njoftua se kalimit kufitar mes Shqipërisë dhe Kosovës të thjeshtuar dhe se policia e dy vendeve ka unifikuar kontrollet e automjeteve dhe pasagjerëve.
Është njoftuar gjithashtu se shumë shpejt do të ndërmerren masa më të rëndësishme për të vendosur standarde plotësisht evropiane në kufirin e Shqipërisë dhe Kosovës. /tesheshi.com/
