Në një fjalim në parlamentin maqedon, në kuadër të fazës finale për miratimin e ndryshimeve kushtetuese në lidhje me emrin e ri, kryeministri Zaev i bëri një apel politikës që t’I përgjigjet pozitivisht momentit historik.
“Ne jemi gjenerata që i mënjanojmë problemet e vjetra. Kemi vendim të çiltër për identitetin maqedonas, identitetin maqedonas për përdorim të përgjithshëm më në fund. Gjuha maqedonase do të flitet lirshëm gjithkund”, tha Zaev.
“Zgjidhni në mes të ardhmes europiane dhe izolimit. Bota na sheh dhe pret nga ne përgjegjësi shtetërore”, shtoi më pas ai.
Në seancë munguan deputetët e VMRO-së, parti e cila nuk e pranon marrëveshjen me Greqinë për emrin e ri.
Zaevit i duhen 80 vota, për të mundësuar ndryshimet kushtetuese, pas të cilave mbyllet kapitulli i emrit të rid he nis sfida e anëtarësimit në NATO e BE. /tesheshi.com/
