Ambasadorja amerikane Yuri Kim tha se ndaj SPAK po ka presione për të mos e bërë punën, ndërkohë që ajo do vijonte mbëshetjen për këtë strukturë ligjzbatuese.
“Është një gjë e mirë dhe ka ardhur koha që SPAK të jetë plotësisht funksional. Disa po përpiqen t’i pengojnë në punën e tyre madje do të intimidojnë gjykatësit dhe prokurorët por ka ardhur koha që SPAK të qëndrojë i fortë para këtyre personave”, tha znj.Kim nga Shkodra.
Ndërkohë, ajo i mëshoi sërish rivënies në punë të Gjykatës Kushtetuese, duke lënë të nënkuptuar se është e pakënaqur nga politika, e cila vijon ta mbajë pezull këtë çështje.
“Shqipëria ka qenë pa një Gjykatë Kushtetuese për një kohë të gjatë. Nuk është një situatë e pranueshme që është një anëtarë i NATO-s dhe kërkon të futet në BE. Kemi qenë të kënaqur që dhe Ruçi ka rënë dakord për ngritjen e Kushtetueses deri në fund të vitit”, deklaroi gruaja që përfaqëson Uashingtonin në Tiranë. /tesheshi.com/
