Pas dështimit të qeverisë për ta riproceduar Demarkacionin në Kuvend, opozita deklaroi se “Mustafa” nuk arriti tw ringjallw marrwveshjen e vdekur tw Demarkacionit.
“Tërheqjet tregojnë vetëm një gjë, që kjo qeveri nuk ndërmori asnjëherë asnjë hap”, ka thënë kryetari i Lëvizjes Vetëvendosje, Visar Ymeri.
Ymeri ka theksuar se ditëve të fundit është parë një garë mes Mustafës dhe Veselit.
“Kjo tregon se ata në mendjen e tyre e kanë vetëm kolltukun. Dëshmohet se këto dy parti me udhëheqjet që i kanë nuk ia duan të mirën Kosovës. Kjo e bën edhe më urgjente rrëzimin e kësaj qeverie dhe zgjedhjet e reja demokratike, ku këto dy subjekte nuk do të mund ta formojnë qeverinë”, ka pohuar Ymeri.
Ai tha se qeveria aktuale duhet rrëzuar në mënyrë që Republika të jetë e zhvilluar.
“Qeveria duhet të shkarkohet të mërkurën. Por, në një skenar që qeveria sjell Demarkacionin, ne do të protestojmë dhe do ta ndalim këtë marrëveshje”, deklaroi Ymeri. /tesheshi.com/
