Kryetari i Lëvizjes Vetëvendosje, Visar Ymeri, bashkë me deputetin Albin Kurtin, sot janë takuar me presidentin e Shqipërisë Bujar Nishani, ku i kanë shprehur qëndrimet dhe shqetësimet për situatën politike në Kosovës, por edhe gjendjen e shqiptarëve në rajon.
“I thashë Presidentit se kufijtë e Kosovës janë kufij kombëtarë për të cilët është i obliguar edhe shteti shqiptar. Biseduam për nevojën e koordinimit të dy shteteve për çështjet rajonale, duke filluar nga mekanizmat për bashkëpunim ekonomik, të sigurisë dhe politikës së jashtme”,- shkruan Kurti në Facebok.
“Kemi ndarë me z. Nishani përvojën e Kosovës në çështjen e drejtësisë me ç’rast treguam se “drejtësia ndërkombëtare” ka rezultuar si legjitimuese e korrupsionit lokal. Drejtësia për Shqipërinë duhet të burojë nga brenda, e kusht për këtë janë politikanët e pakorruptueshëm e kurajoz. Kemi ndarë shqetësimin mbi privatizimet e koncesionet që po e dëmtojnë ekonominë andej e këndej kufirit, duke shkaktuar papunësi e rënie të prodhimit vendor”, përfundon kreu i VV. /tesheshi.com/
