Manchester United-i është duke planifikuar një lëvizje të çmendur, teksa po mendon largimin e lojtarit më të mirë të tij, e njëkohësisht kapitenit, Wayne Rooney, drejt kampionatit kinez të futbollit.
Kapiteni i përfaqësueses angleze ka patur probleme të shumta me lëndimet gjatë dy muajve të fundit, ndaj një kalim i tij drejt kampionatit kinez është shumë i mundur, raportojnë mediat në ishull.
Ardhja e lojtarëve të rinj në skuadër mund të plotësojë boshllëkun e lënë nga Rooney, megjithëse largimi i tij vështirë të pranohet nga tifozët e United-it.
Në qoftë se ndodh një lëvizje e tillë, atëherë Rooney do të bëhej futbollisti më i paguar në planet, pasi do përfitonte 500.000 funte në javë.
Ditë më parë drejt Kinës është nisur edhe sulmuesi i njohur argjentinas Ezequiel Lavezzi, i cili la kryeqytetin francez e skuadrën elitare PSG, ndërsa një mori lojtarësh të tjerë me emër janë bërë më herët pjesë e kampionatit kinez. /tesheshi.com/
