Caron Butler, basketbollisti veteran i skuadrës Sacramento Kings, ka përshkruar në librin e tij autobiografik historinë e tij si fëmijë dhe ëndrrën për t’u bërë një trafikant droge. Mirëpo, fati e dërgoi krejtësisht në një botë tjetër, në një yll të ligës më të fortë të basketbollit në botë, NBA, ku do përfitonte 82 milionë dollarë për 13 sezone, gjë nuk dihet nëse do i kish fituar si narkotrafikant, pa llogaritur këtu që mund t’i hiqej dhe koka, siç ndodh rëndom.
“Si një fëmijë, ju mund të shkoni në shkollë çdo ditë. Ju shkoni në shkollë për tetë orë në ditë, por nuk arrini të vëreni ndikimin e menjëhershëm. Por, nëse ju jeni në çdo cep të rrugës duke shitur drogë, për katër ose pesë orë, mund t’i keni fituar 1,500 dollarë”, është njëra ndër frazat më interesante të librit, që ka përshkruar Caron.
“Të jem yll basketbolli sikurse Mike Jordan? Jo, unë kisha ëndërruar të jem një trafikant sikurse Junebug”, deklaroi veterani i Sacramentos, që tani e 13 sezone vesh fanelën e Kingsave.
Mirëpo, Butler ka lënë prapa fëmijërinë e tij të vështirë, për të filluar një hobi tjetër, atë të një basketbollisti që më vonë do lënte gjurmë në gjithë vendin. /tesheshi.com/
