Ish-futbollisti i Real Madridit të famshëm, Royson Drenthe, dikur ishte shpresa e madhe e futbollit botëror, ndërsa sot bën një jetë pak më ndryshe nga sa kishte paralajmëruar.
Aktualisht Drenthe luan futboll amator dhe punon si ndihmës mjek.
Drenthe dikur ishte një futbollist i ri shumë i talentuar, i cili “shkatërroi” Serbinë në finalen e Kampionatit Evropian për lojtarë nën 21 vjeç. Më pas medaljen e artë e fitoi Holanda dhe në përzgjedhje u dalluan Drenthe dhe Ryan Babel.
Pas festimit në Kampionatin Evropian, Drenthe u transferua te Real Madrid dhe klubi mbretëror pagoi 14 milionë euro për të. Megjithatë, ai nuk i përmbushi pritshmëritë e klubit, kështu që vazhdimisht dilte në huazim.
Aktualisht shpresa e re është në ligën amatore në Holandë dhe klubi i tij aktual është Kozaken Boys, me të cilin ka kontratë deri në vitin 2024. Krahas karrierës së tij futbollistike, ai punon edhe si ndihmës mjek, që është dashuria e tij e dytë.
“E gjithë familja ime ka qenë gjithmonë e kujdesshme për të tjerët. Tezja Helen është infermiere, nëna ime gjithashtu punon në shëndetësi. Para disa vitesh mendova dhe thashë ‘pse nuk bëj trajnime dhe kurse për të parë se si ndikon tek unë’”, tha Drenthe.
Tani, krahasuar me disa vite më parë, Dranthe ka një vizion pak më ndryshe për botën që e rrethon dhe pretendon se ende nuk e ka lënë futbollin përgjithmonë.
“Tani shoh një anë krejtësisht tjetër të botës. Kjo më ndihmon të bëhem një person më i mirë në këtë shoqëri. Jam mësuar gjithmonë me magjepsjen e futbollit. Kjo është ajo që kërkoja. U shqetësova shumë në fund të karrierës sime. Fakti që ti e di se çfarë dëshiron të bësh, por në momentin që fillon diçka, mendon nëse është vërtet ajo që dëshiron. Mendoj se është sepse nuk mund ta lë ende futbollin. Po ecën hap pas hapi”, përfundoi Drenthe. /tesheshi.com/
