Ylberi-zjarr u pagëzua nga njerëzit në Singapor, fenomeni i rrallë që u shfaq në qiellin e qytetit të tyre. Njerëzit e kanë shijuar grumbullimin e shndritshëm shumëngjyrësh në qiell, duke shkrepur edhe fotografi të ndryshme.
Ylberi u shfaq në qiell pasditen e së hënës së 21 janarit dhe qëndroi atje për 15 minuta dhe u pa në të gjithë ishullin. Raportimet në median vendase thanë se bëhet fjalë për një ylber-zjarr, që ndodh kur drita e diellit ndahet përmes reve që përmbajnë kristale akulli.
Të tjerë thonë se fenomeni ndodh kur pikat e ujit apo kristalet shpërndajnë dritën.
Sidoqë të jetë e vërteta, fëmijët e kanë shijuar maksimalisht ylberin e çuditshëm në qiell, e nuk kanë munguar as të rriturit që kanë shkrepur fotografi nga kënde të ndryshme.
“Nisi si një rreth i vogël portokalli dhe më pas u rri gjithnjë e më shumë derisa shpërtheu në ngjyra… zgjati rreth 15 minuta dhe më pas ngadalë u zhduk”, thanë dëshmitarët. /tesheshi.com/
