Presidenti Meta refuzon të paraqitet në komisionin hetimor ndaj tij, të sapoformuar pas zgjedhjeve, me synim për ta shkarkuar për shkelje kushtetuese.
Sipas njeriut që mban kreun e shtetit, parlamenti aktual është pa mandat. Kjo, pasi e konsideronte në fillim si njëpartiak.
“Kuvendi duhet të mbajë në konsideratë se, çdo kërkesë për informacion në kuadër të ndonjë procesi ‘hetimor’, është e palegjitimuar, fiktive, jashtë çdo lloj afati, dhe jo vetëm që cenon hapur të gjitha parimet kushtetuese demokratike të shtetit të së drejtës, por në mënyrën se si është iniciuar, vlerësuar, miratuar dhe po vijon të realizohet, tregon qartë se përpiqet të krijojë idenë se Kuvendi po ushtron funksionet e tij, ndërkohë që, asnjë proces i kësaj natyre (hetimor) nuk mund të ushtrohet e të zhvillohet në këtë periudhë tranzitore të përfundimit të mandatit të Kuvendit aktual, dhe fillimit të ushtrimit të detyrës së Kuvendit të ri të zgjedhur më 25 prill 2021”, shkruan ndër të tjera Meta. /tesheshi.com/
