Kryeministri Rama është shfaqur me një xhup të zi, i cili përfaqëson jo më pak se vetë armën më të bujshme turke të viteve të fundit – Kizilelma – pra një prej Bayraktarëve më të famshëm që ka këtë emër. 
Me veshjen që përfaqëson dronin turk me nam ai u pa në Vlorë, në një ecejake përgjatë kantierit të Lungomare III.
Kohë më parë, Rama do mbante veshur xhupin e Juventusit, duke u shfaqur dhe tifoz juventin. E tani mban xhupin që përfaqëson armën e cila ka rol dhe në gjeopolitikën e re botërore në formim. Teksa xhupa ka shumë, të llojeve të ndryshme, stileve e ngjyrave, nuk ka dyshim që zgjedhja për të veshur atë me logon e dronit turk ka brenda dhe mesazh, bash në një kohë të trazuar ku çdo gjest apo fjalë në politikë ka peshë specifike, me të cilat Rama luan rregullisht, nganjëherë dhe mjeshtërisht. /tesheshi.com/
