Në të parën xhami në Athinë, të premten u fal e para xhuma.
Pas 14 vjet planifikimi dhe ndërtimi, muslimanët në xhaminë e Athinës, e cila u hap për lutje të hënën, 2 nëntor, kryen lutjen e parë të xhumasë, që është një “ditë feste” javore në Islam.
Si pjesë e masave për shkak të COVID, numri i të pranishmëve ishte i kufizuar në 12, nëntë burra dhe tre gra.
Në një predikim të lexuar në greqisht, u theksua rëndësia e xhamive, duke evokuar modelin e lënë që nga koha e Profetit Muhamed, ku xhamitë nuk shërbenin vetëm për adhurim, por edhe si shkollë dhe institucione shteti.
Imami i parë i xhamisë në Athinë është 49-vjeçari Muhammed Zaki, me origjinë marokene.
Athina ishte kryeqyteti i vetëm në Evropë që nuk kishte një xhami të hapur për lutje deri në këtë vit. Megjithëse nuk ka shifra zyrtare, vlerësohet se ka rreth gjysmë milioni muslimanë në Greqi, kryesisht emigrantë nga Azia, Lindja e Mesme dhe Afrika.
Vendimi për të ndërtuar xhaminë e Athinës u mor në 2006, por ndërtimi nuk mund të fillonte për më shumë se 10 vjet për shkak të arsyeve burokratike, pengesave ligjore dhe reagimeve të ekstremit të djathtë.
Për të njëjtat arsye, ajo nuk u hap menjëherë pas përfundimit të tij. Hapja zyrtare, e cila supozohej të ndodhte në vitin 2017, u shty disa herë.
Xhaia u ndërtua në rrethin e Votanikos dhe është zyrtarisht xhamia e parë në Greqi pas shekullit të 19-të. Vendi i adhurimit, i cili nuk ka një minare, mund të akomodojë deri në 350 besimtarë. /tesheshi.com/
