Në Greqi, ecuria zhvillimore turke po shihet me xhelozi, për të mos thënë edhe me shqetësim. Kjo pasi një fuqizim ekonomik turk do të thotë dhe një fuqizim ushtarak, gjë që për Greqinë nuk është kurrë një lajm i mirë. Dy fqinjët me fërkime historike, herë grindjen e e herë pajtohet, herë ftohen e herë ngrohen, duke mbetur gjithsesi në konstanten e rivalëve të përjetshëm, diktuar kjo dhe nga gjeopolitika.
Së fundi, Protothema vë në dukje faktin se Turqia është në Top 5 vendet në eksportin e makinave në botë. Më shumë makina edhe nga Kina prodhohen në Turqi, konkretisht ato të destinuara për në Evropë, theksohet nga kjo media.
Më tej shkruhet:
“Në Greqi prej shumë vitesh ne ëndërrojmë ose në rastin më të mirë diskutojmë ndërtimin e një fabrike të prodhimit të makinave. Mund të jenë bërë mijëra diskutime, të jenë shkruar opinione dhe artikuj të panumërt, të jenë bërë takime me qeveritarë, por rezultati mbetet ende zero.
Është e qartë se Greqia me taksimin e saj të lartë funksionon si pengesë për çdo lloj investimi të këtij lloji dhe këtë e dinë mirë ‘fabrikat’. Në një kohë kur në Evropë ka gati 200 fabrika, Greqia së bashku me Estoninë dhe Lituaninë nuk kanë as një të tillë.
E kundërta ndodh pikërisht në Turqinë fqinje, e cila duket se prodhon një volum të madh automjetesh. Kjo pasqyrohet nga vetë Shoqata e Prodhuesve të Automobilave (ACEA) e cila publikoi një listë të vendeve (jashtë BE-së) që kanë eksportet më të mëdha të automjeteve në Evropë.
Fitimet për shtetin turk janë të mëdha dhe sigurisht një përqindje e madhe e tyre janë investuar nga presidenti Erdogan në programet e armatimit të turqve, por edhe në prodhimin e armëve”.
Në krye është Mbretëria e Bashkuar
Sipas raportimit të Protothema-s, Mbretëria e Bashkuar është në krye me një përqindje prej 15.5%, e ndjekur nga SHBA me 15.3%. Koreja e Jugut dhe Japonia janë në pozitat 3 dhe 4 me përkatësisht 13.3% dhe 13.1%.
Surpriza vjen nga Turqia, e cila figuron në vendin e 5-të të listës në mbarë botën dhe ka të bëjë me vendet e origjinës së makinave të pasagjerëve me destinacion Bashkimin Europian. Vendi fqinj, shkruan Protothema, figuron me një përqindje prej 11.5%, duke lënë pas edhe Kinën e cila ka një përqindje prej 11.1%. Më pas, Meksika, Maroku, Afrika e Jugut, Zvicra, etj. /tesheshi.com/
