Nënkryetari i Kuvendit të Kosovës nga radhët e PDK-së, Xhavit Haliti, është politikani i parë që i ka dalë në mbrojtje Azem Sylës, shokut dhe bashkëpartiakut të arrestuar javë më parë për krim të organizuar.
Haliti, në emisionin InfoBox të RTV Dukagjini-it, ka deklaruar se e njeh nga afër që shumë kohë Azem Sylën, ndërsa nuk beson që i njëjti t’i ketë kryer ato vepra.
Ai madje mendon se ish-deputeti i PDK-së, së shpejti mund edhe të lirohet nga paraburgimi.
Azem Syla dyshohet si udhëheqës i grupit kriminal që bëri biznese me troje publike ku i shkaktuan dëme buxhetit të Kosovës rreth 30 milionë euro.
Linku ku mund ta dëgjoni intervistën e Halitit:
https://www.youtube.com/watch?v=H-gWxuiUls0
