Xhamitë në mbarë Turqinë po mbajnë lutje për Muhamed Mursin, ish presidentin egjiptian, i cili vdiq gjatë një seance gjyqësore të hënën.
Autoriteti fetar i Turqisë, Diyanet, bëri thirrje për falje namazi në kujtim të të ndjerit, në 81 krahina të vendit.
Si anëtar kryesor i grupit të Vëllazërisë Myslimane, Mursi fitoi zgjedhjet e para të lira presidenciale në Egjipt në vitin 2012, një vit pas kryengritjejes që rrëzoi udhëheqësin autokrat Husni Mubarak. Megjithatë, mandati i tij në detyrë ishte jetëshkurtër, pasi ai u rrëzua dhe u burgos përmes një grusht shteti ushtarak në korrik të vitit 2013.
Partia qeverisëse AK e Turqisë mbështeti qeverinë e Mursit dhe shumë anëtarë dhe përkrahës të Vëllazërisë kanë ikur në Turqi që kur aktivitetet e saj u ndaluan në Egjipt në vitin 2013.
Ndërsa mijëra persona u bashkuan në namaz për tu lutur për shpirtin e tij në qytetin e Stambollit, ndërsa në kryeqytetin Ankara, rreth 500 vetë u lutën në rrugën kryesore duke ndaluar trafikun pranë ambasadës egjiptiane.
Presidenti turk Rexhep Tajip Erdogan pritet të marrë pjesë në një funeral së bashku me anëtarët e grupeve të të drejtave të njeriut dhe disidentëve politikë. /tesheshi.com/
