Qendra Islame e Orlandos ka hapur dyert e saj, ndërkohë që miliona vetë u detyruan të largoheshin nga shtëpitë e tyre, pasi Uragani Irma vërshoi në brigjet perëndimore të Floridës.
Xhamia përmes një njoftimi në mediat sociale ka ofruar strehë për të zhvendosurit nga uragani dhe përgjigja ka qenë pozitive.
“Në qoftë se jeni duke kërkuar strehim gjatë uraganit Irma, xhamia jonë do të jetë e hapur për të gjithë, pavarësisht fesë dhe etnisë. Mund të sillni me vete ushqim apo sende tw tjera tuajat nëse dëshironi”.
Washington Post foli me disa nga të shpërngulurit në Qendrën Islame të Orlando, e cila ka strehuar mbi 100 njerëz të të gjitha besimeve dhe prejardhjeve.
Imam Tariç tha se xhamia fillimisht planifikoi të pranojë vetëm 40 njerëz, por iu desh tw rriste numrin në mbi 100, për shkak të kërkesave.
Ai i tha Washington Post: “ne deshëm që njerëzit të ndihen sa më rehat që të jetë e mundur, dhamë maksimumin brenda mundësive tona dhe nuk deshëm që dikush të ketë ndonjë shqetësim”.
Një nga të evakuuarit, Sally Killiç tha “kemi gjetur një mikpritje të mrekullueshme, na kanë ushqyer tri vakte, na siguruan shtratin për të fjetur dhe kemi pasur një eksperiencë të shkëlqyer. Dhe natyrisht, të qenit në bashkësinë islame është thjesht e mrekullueshme për ne”.
Shumë xhami të tjera kanë hapur gjithashtu dyert e tyre, duke siguruar strehim, ushqim dhe nevoja të përditshme për njerëzit në nevojë./tesheshi.com/
