Xhaka shfaqet i zemëruar me De Biassin: mua më dhimbset Shqipëria, atij i dhimbsen paratë!

Ajo që ndodh në partitë politike shqiptare, është shfaqur së fundi dhe në rradhët e kuqezinjve. Taulant Xhaka, i ka përcjellë një mesazh Top Channel-it, ku tregon arsyet e ndarjes së tij me trajerin De Biassi. Kosovari i lindur në Zvicër pretendon se ndaj tij është bërë një padrejtësi e madhe, ku në thelb është mosaktivizimi si titullar. Madje ai nuk ngurron ta konsiderojë dhe gënjeshtar italianin në krye të pankinës, duke pretenduar të japë versionin e vërtetë të largimit të tij.

“Jam shumë i zhgënjyer me deklaratën e trajnerit te kombëtares që nuk thotë të vërtetën. Une Taulant Xhaka do ta  them të vërtetën se jam plotësisht i zhgënjyer kur trajneri De Biazi thotë se ika në Bazel sepse kisha problem. Unë ju garantoj se nuk kam asnjë problem, por problemi është direkt me trajnerin Di Biazin i cili për mua ma ka ba me të padrejtë pa asnji arsye. Kam qen nji lojtar titullar në kombëtaren time dhe me mish e me shpirt kam luajtur për flamurin dhe atdheun tim, dhe deklarata e tij se më ka mbrojtur tregon se ai nuk thotë të vërtetën por i lakon gjërat. Unë kam kërkua nga ai që të bisedojmë që të më japë arsyen pse unë nuk jam titullar, por ai me ironi nuk më tregon asnjë arsye, por as që do të dëgjojë mendimin tim. Unë nuk kam filluar të luaj sot, por jam prej një kohe të gjatë profesionist dhe unë i respektoj mendimet e trajnerit, por në këtë rast ai nuk ka pas arsye të mbrojë po vetëm të vërtetën ta thotë. Menyrën dhe selljen e tij nuk konceptoj dot, mua me dhimbset Shqipëria dhe populli im, kurse trajnerin i dhimbsen lekët. Juve fansave kuqe e zi dhe të Shqipërisë ju them se më është bërë padrejtësi deri fund”, përfundon mesazhin e tij Xhaka, ku arsye pra, sipas tij, paska qenë mosaktivizimi si titullar dhe mungesa e dhënies së arsyes prej De Biassit.

Si Xhaka është dhe Abrashi i përfolur që mund të jetë larguar, po ashtu i zemëruar me De Biassin, por që ende nuk është shprehur. /tesheshi.com/