Pas akuzave të Lulzim Bashës të artikuluara në sallën e Kuvendit, ka reaguar ministri i Brendshëm, Fatmir Xhafaj, i cili ndër të tjera i ka kujtuar kreut demokrat dështimet e qeverisë së PD-së, në kultivimin e drogës.
“Ka një qëllim të vetëm, të nxijë realitetin e vendit atë që je duke e bërë çdo vit në kancelaritë ndërkombëtare. Kurrë ne nuk kemi thënë dhe do themi që s’ka kriminelë dhe grupe kriminale.
Përkundrazi kemi patur kurajon ta themi të vërtetën në sy edhe kur ajo ka qenë e dhimbshme. Kemi patur kurajon ta shohim të vërteten edhe pas atyre që fshihen në to. Ka padyshim histori ose shembuj lidhur me historinë e kultivimit të drogës. Kur ju keni qenë ministër i Brendshëm kemi historinë e Lazaratit dhe Dukagjinit gjithashtu kur kultivimi i kanabisit ishte në mbrojtje të plotë të shtetit.
Realitetin e vitit te kaluar qeveria e pa në sy dhe u përballë me të, por sot kemi një pamje krejt ndryshe.
ër herë të parë në historinë e 14-15 viteve të fundit kemi numrin më të ulët të mbjelljeve të kultivimit të kanabisit në mesataren e të gjithë viteve dhe do të bëjë që vendi ynë të mos jetë më në listën e vendeve që kultivojnë kanabisin.
Por duhej nga ana jua të kishte një mbështetje si kryetar i opozitës. Kjo nuk është një luftë që mbaron sot.
Do të vazhdojë, se kjo është betejë që do të kërkojë më shumë sakrifica. Vullneti në rastin e Lazaratit në kohën tuaj dhe ajo vjet janë dy shfaqe të ndryshme. Unë dhe qeveria i ndjekim me vëmendje të gjitha kritikat, por nuk është në interesin tuaj për të nxitur këto probleme”, tha Xhafaj. /tesheshi.com/
