Qeveria shqiptare ka kërkuar prezencë ushtarake në Tiranë, e shqetësuar nga “rreziku rus”.
Kërkesa zyrtare ka ardhur nga ministrja e Mbrojtjes Olta Xhaçka, e cila ka takuar kreun e Pentagonit, Jammes Mattis.
Vizita e Xhaçkës në Pentagon përbën edhe kontaktin e parë të një niveli të lartë të qeverisë së Edi Ramës me administratën e Donald Trump.
Deri tani ose ka pasur takime nëpër samite, ose siç ndodhi me Ditmir Bushatin një vit më parë ku u takua me këshilltarin për Sigurinë Kombëtare të Presidentit të SHBA-së.
Xhaçka, e cila ndodhet në një vizitë zyrtare në SHBA ka takuar gjeneralin James Mattis në zyrën e tij në Arlington Virxhinia dhe ka shtruar kërkesën e qeverisë shqiptare për një prezencë ushtarake në Shqipëri, sipas një forme që do të vendoset nga Uashingtoni.
Ndërkaq, gruaja në krye të Mbrojtjes shqiptare ka takuar në Uashington edhe zyrtarin e lartë të DASH, Wess Mitchell, i cili është zvëndësuesi i Hoyt Brian Yee.
Siç bën të ditur ministria e Mbrojtjes, Takimi u zhvillua pak minuta pas deklaratës zyrtare të KE-së dhe Mitçhel ka bërë të ditur se SHBA do lobojë pro Shqipërisë por Tirana duhet të mbajë angazhimet për të bërë realitet reformën në drejtësi. /tesheshi.com/
