Dy lëvizjet e reja në qeveri, Niko Peleshi si ministër i ri i Mbrojtjes dhe Olta Xhaçka si ministre e re e Jashtme, të diktuara këto nga vetëlargimi i Gent Cakajt, janë mandatuar “fët e fët”, si në parlament duke marrë votëbesimin në një seancë të mbledhur enkas për ata, e si te kreu i shtetit.
Ky i fundit, Meta, armik i betuar i qeverisë, nuk ka shfaqur ndonjë tekë politike, karakteristike për të vitet e fundit, duke e i mundësuar betimin në Presidencë dyshes me detyra të reja nga Rama.
Sapo përfundoi kjo procedurë, votimi në parlament dhe betimi në Presidencë, për dyshen Peleshi-Xhaçka mbërriti urimi i parë ndërkombëtar, posaçërisht europian.
“Urime Olta Xhaçka dhe Niko Peleshi për emërimin e tyre si ministre e Jashtme dhe ministër i Mbrojtjes. Presim të vazhdojmë punën së bashkë për të ndihmuar Shqipërinë të ecë më shpejt në rrugën e saj drejt Bashkimit Europian. Faleminderit për një bashkëpunim të madh”, shkroi ambasadori Soreca. /tesheshi.com/
