Kanë nisur dalëngadalë të bëhen të njohura njëvendëshet që do të garojnë në sezonin e ri të Formulës 1. Pas Haas-it, ka qenë radha e Williams-it të tregojë atë çka përgatitur për këtë sezon.
Versioni i ri i Williams-it, FW41, është paraqitur mbrëmjen e një dite më parë në Londër, në një aktivitet të posaçëm me këtë rast.
Një version që ndryshon goxha nga pararendësit, dhe bashkëpunimi me Mercedes-in pretendohet ta bëjë makinën e re të Williams-it të rivalizojë drejtpërdrejt me Ferrari-n dhe Red Bull-in.
Lance Stroll dhe i riu debutues Sergey Sirotkin janë dy pilotët garues për Williams-in për 2018-n; së cilëve u shtohet një emër i njohur si pilot rezervë, Robert Kubica.
Makina e re do të zbresë zyrtarisht në pistë më 26 shkurt, kur në Spanjë të nisin provat parasezonale. /tesheshi.com/
