Ish-drejtuesi i Misionit Verifikues të OSBE-së në Kosovë, ambasadori William Walker, njeriu që ndërgjegjësoi botën me Reçakun, është shprehur kundër aktit të Speciales me Thaçin
Ai në një intervistë për RTK-në, ai shprehu dhe dyshimet për një konspiracion politik
“I ndjeva tejet i zhgënjyer kur Prokurori doli të enjten apo të premten e kaluar me atë deklaratë. Tani e vë në pyetje edhe kohën e asaj deklarate sepse presidenti Hashim Thaçi ishte duke udhëtuar në Uashington për të marrë pjesë në një samit të ftuar nga Shtëpia e Bardhë, në përpjekje për të arritur një zgjidhje të negociuar përfundimtare. Pra që Prokurori të bëjë një shpallje të tillë mu në atë moment, me përmbajtjen e aktakuzave të tilla, mendoj që kjo e vë në pikëpyetje edhe kohën e edhe motivin prapa asaj shpallje”, tha Walker.
Sipas tij, duhet të jetë Vuçiç e jo Thaçi ai që duhet akuzuar e gjykuar.
“Ai (Vuçiç) ka qenë pjesërisht përgjegjës për atë punë, sepse ka qenë ministër i qeverisë që urdhëronte forcat serbe të sigurisë të bënin ato që bënin në Kosovë gjatë viteve 1998-99 e si pasojë e kësaj ishte edhe Reçaku”, ka thënë Walker.
Ai apeloi liderët e Kosovës që të shfaqein unitet në këtë kohë, duke e cilësuar atë si “të keqe për Kosovën”. /tesheshi.com/
