Kryetari i Prishtinës, Shpend Ahmeti priti sot ambasadorin William Walker, ish-shef i misionit verifikues gjatë luftës në Kosovë.
Në takim u bisedua kryesisht për situatën politike në Kosovë, si dhe qeverisjen në Komunën e Prishtinës.
Sa i përket zhvillimeve politike në Kosovë, Walker tha se po duket që kjo klasë politike që ka qeverisur nuk është duke shkuar rrugës së duhur.
“Në ShBA, zhvillohen protesta tërë kohën, prandaj kur ka kauzë, protesta është e drejtë legjitime e qytetarëve”, citon deklarata të ketë thënë Walker.
Duke iu referuar problemeve të qytetit të Prishtinës, Walker tha se nuk njeh dikë që do të mund të përballej më me sukses me këto probleme, se sa Shpend Ahmeti, thuhet në deklaratën e lëshuar nga Komuna e Prishtinës. /tesheshi.com/
