Aktori i njohur Will Smith në një intervistë dhënë së fundmi, për “CBS Sunday Morning”, u shpreh se nëse gara për presidenciale në Amerikë vazhdon me këto ritme, ai do detyrohet të garojë vetë për President të Shteteve të Bashkuara.
“Nëse njerëzit do vazhdojnë të thonë ato gjëra të çmendura, që janë thënë në media këto kohë, rreth myslimanëve, do më detyrojnë që t’i futem botës së politikës. Domethënë duhet të bëhem president. Për çfarë tjetër më duhet të kandidoj?”, deklaroi aktori, duke ironizuar në këtë mënyrë deklaratat e fundit të kandidatit për president, Donald Trump, i cili tha se myslimanët duhet të ndalohen të hyjnë në SHBA.
Aktori 46-vjeçar është parë këto ditë në New York dhe dukej shumë energjik tek pozonte për fotografitë e filmit të tij më të ri “ Concussion”./tesheshi.com/
