Që në vitin 2008, Shkupi zyrtar ka rënë dakord që shteti të ndryshojë emrin e saj për atë që së fundi është vendosor në marrëveshjen me Athinën: Republika e Maqedonisë Veriore.
Është Ekathimerini që ka publikuar një dokument kofidencial të Ambasadës Amerikane në Shkup, marrë nga WikiLeaks. Kushti për këtë emër të ri ka qenë njohja e gjuhës dhe e kombësisë maqedonase nga ana e Greqisë.
Dokumenti konfidencial i quajtur “Çfarë duhet të bëjnë maqedonasit për të zgjidhur mosmarrëveshjen”, daton me 29 korrik 2008, dheështë përpiluar nga ish-ambasadori amerikan në Shkup, Xhillian Milovanoviç.
Dokumenti tregoi se qëllimet e Maqedonisë nuk kanë ndryshuar shumë në dhjetë vitet e fundit dhe se ato janë arritur deri diku nga marrëveshja greko-maqedonase që nga qershori i këtij viti.
Në pjesën e parë të dokumentit përmendet se Milovanovic paraqiti konkluzionet e tij pas takimit me presidentin dhe kryeministrin e atëhershëm, përkatësisht Branko Cërvenkovski dhe Nikolla Gruevski, dhe deklaroi se kushtet ishin të pranueshme.
“Ambasada e SHBA në Shkup, beson se qeveria maqedonase është e gatshme që për hir të hapjes herë në NATO dhe anëtarësimit në Bashkimin Europian, të bie dakord për emrin Republika Veriore e Maqedonisë në të gjitha organizatat ndërkombëtare”, thuhet në dokumentin e publikuar.
Aty më pas theksohen dhe kushtet si kombësia dhe gjuhë, si të nevojshme për të mbajtur mbiemrin cilësorin etnik “maqedonas”.
Ky dokument destrukton në njëfarë mënyrë qëndrimet e sotme të VMRO-së kundër marrëveshjes me Greqinë për emrin e ri, kur deri dje paska punuar vetë me të njëjtin version. /tesheshi.com/
