Aplikacioni i famshëm i mesazheve shumë shpejt do të zhduket nga disa smartfonë. Whatsapp ka bërë 7 vite në treg dhe ka mbi një miliard persona në të gjithë botën që e përdorin atë.
Me këtë rast, kompania ka vendosur të bëjë një bilanc mes së shkuarës dhe të ardhmes së aplikacionit. Siç thonë përfaqësuesit zyrtarë të kompanisë, “veç sfidave që pritet të vijnë, përvjetorët janë edhe raste për të parë pas”.
“Kur nisëm në vitin 2009, njerëzit e përdornin shumë më pak telefonin, se sa e përdorin sot”,- vijon letra, në të cilën kujtohet se thuajse 70% e smartfonëve të shitur kanë pasur sisteme operative të ofruar nga BlackBerry dhe Nokia, në fillimet e veta.
Sot, sistemet e Google, Apple dhe Microsoft (të instaluar në më pak se 25% të pajisjeve të shitura shtatë vite më parë) përfshijnë 99.5% të tregut. Kështu “nëse shikojmë përpara për 7 vitet e ardhshme, duam të përqendrojmë forcat në pajisjet që kanë përdorim më të madh”,- shkruhet në blogun e Whatsapp.
Më tej shtohet se “brenda vitit 2016 do të mbyllim shërbimin për WhatsApp Messenger në platformat e mëposhtme mobile”:
– BlackBerry (përfshirë BlackBerry 10)
– Nokia S40
– Nokia Symbian S60
– Android 2.1 e Android 2.2
– Windows Phone 7.1
Sipas kompanisë, këto janë pajisje mobile që nuk ofrojnë tipin e funksionimit për të cilën kompania ka nevojë të zgjerohet për të krijuar karakteristika të reja në vijim. /tesheshi.com/
