Ish-gjenerali amerikan në pension, Wesley Clark, po viziton Prishtinën. Njeriu që u identifikua si udhëheqës i bombardimeve të NATO-s mbi Serbi, si reagim force për Kosovën që po spastrohej entikisht, si komandant i Aleancës, u nderua me dekoratën “Ibrahim Rugova”, dhënë nga kreu i LDK-së, partisë së ish-presidentit të ndjerë kosovar, Lumir Abdixhiku.
“Gjeneral Clark, emri juaj është i gdhendur në themelet e historisë së Kosovës si simbol i guximit, lidershipit, mbështetjes dhe përkushtimit të palëkundur për drejtësi dhe paqe. Gjatë orëve më të errëta të luftës sonë për liri, vendosmëria dhe veprimet tuaja vendimtare i dhanë shpresë dhe forcë një kombi të etur për liri. Udhëheqja juaj gjatë ndërhyrjes së NATO-s ishte një pikë kthese. Jo vetëm që ndryshoi rrjedhën e historisë sonë, por siguroi edhe mbijetesën dhe të ardhmen e jetëve të panumërta të popullit tone. Veprimet tuaja gjatë momenteve kyçe ishin të dobishme për të sjellë lirinë që ne e çmojmë sot”, tha Abdixhiku.
Nga ana e tij, ish-gjenerali Clark foli për Kosovën e pasluftës dhe atë të tanishme.
“Dhe sa herë që kthehem këtu, habitem me përparimin që keni bërë. Më kujtohen vështirësitë dhe më kujtohet se si dukej Kosova, përmes fotografimit nga ajri… Teksa kaloj me makinë, them, o Zot, shtëpitë e reja, bota, tregtia, të rinjtë, emocionet”, tha Clark. /tesheshi.com/
