Trajneri epik i Arsenalit, Arsen Wenger, e ka përzgjedhur pasardhësin e tij në krye të klubit londinez. Sic shkruan “Daily Star”, Wenger është shprehur se Giovanni van Bronckhorst është njeriu i duhur për të drejtuar Arsenalin, kur ai të largohet nga “Topçinjtë”.
Wenger ka mbetur shumë i impresionuar nga holandezi, të cilin e ka stërvitur në kohën kur Van Bronckhorst luante për Arsenalin.
42-vjeçari që ka luajtur edhe 100 ndeshje me kombëtaren holandeze, është ende në drejtimin e skuadrës së Feynord, të cilin e nxorri kampion sezonin e shkuar.
Pikërisht për aftësitë e tij për të rinxjerrë kampion një klub legjendë si Feynord, edhe pse titulli në Roterdam mungonte prej vitit 1999, Wenger e konsideron ish-mbrojtësin e majtë, si pasardhësin e tij.
Përshtypje të veçantë ka bërë fakti se Feynordi i vjetshëm e fitoi titullin, duke patur një diferencë mes golave të shënuar dhe atyre të pësuar, plus 61.
Cështja që ngrenë mediat britanike, pasi kanë publikuar këtë lajm, është: A do të presë Van Bronckhorst derisa Wenger të vendosë të largohet nga Arsenal, apo klubi londinez, duke marrë edhe “bekimin” e francezit, do ta ftojë holandezin të drejtojë skuadrën, menjëherë, çka nënkupton shkarkimin e Wenger. /tesheshi.com/
