Shahid Khan, 68 vjeç, pronar i Fulhamit dhe Jacksonville Jaguars NFL, hoqi dorë nga synimi për ta bërë të tijin legjendarin dhe krenarinë e ftubollit angleze, Wembley-n.
Miliarderi pakistanez-amerikan i ofroi federatës angleze të futbollit për tempullin e futbollit të ishullit, 700 milionë euro.
Megjithatë, kur kuptoi se oferta e tij kishte shkaktuar ndarje të shumta, ai u tërhoq.
“Z. Khan ka vendosur të tërheqë propozimin e tij sepse e konsideron ofertën si shkaktare të ndarjeve më shumë se ç’pritej”, tha drejtori ekzekutiv i FA, Martin Glenn.
Mediat angleze raportojnë se ndarjet u shfaqen të shuma e ofruar, jo tek kuota por se si do ndaheshin ato para.
Anëtarët e Bordit kryesor të FA-së pranuan kohët e fundit kërkesën e Khanit dhe vendimi përfundimtar do të duhej të njihej pas takimit të Këshillit të Federatës Anglese, duke përfshirë 127 anëtarë të përfaqësuesve të klubeve dhe organizatave lokale të futbollit.
Shumica e tifozëve dhe e legjendave të futbollit anglez e kundërshtuan shitjen, ku veçoi Gary Neville që e quajti veprimin një “funny and crazy”.
Wembley u ndërtua në vitin 1923. Në këtë stadium, ekipi kombëtar anglez fitoi titullin e tij të vetëm botëror më 1966. Wembley gjithashtu zhvilloi garat në Lojërat Olimpike në vitin 1948.
Stadiumi u mbyll në vitin 2000, u shemb në vitin 2003 dhe u ndërtua një Wembley i ri, i cili u hap në mars 2007. Shkatërrimi i stadiumit të vjetër dhe ndërtimi i të riut kushtoi rreth 1 miliard euro. /tesheshi.com/
