Një grup inxhinerësh nga Universiteti i Pensilvanisë kanë krijuar makinerinë e parë prerëse me ujë. Një lloj “lazeri” që pret materialet thjeshtë duke hedhur ujë.
Për këtë arsye makineria është quajtur Wazer, një kombinim i fjalës ujë (Water) dhe lazer. Kjo makineri mund të presë objekte me përmasa të vogla dhe mund të përdoret nga të gjithë.
Por lind pyetja: si mundet uji të presë objekte më të forta se çeliku, apo qeramikë? Për objektet e vogla mjafton presioni i madh me të cilën hidhet uji (deri në 7 mijë bar). Ndërsa për materialet më të forta e më të dendura, ujit i shtohet një lloj rëre gërryese. /tesheshi.com/
