Ambasadorja amerikane në Kombet e Bashkuara, Samanta Bauer, ka thënë se problemi i ISIS-it në Siri dhe vendeve të tjera të Lindjes së Mesme nuk do të marrë zgjidhje për aq kohë sa presidenti Sirian Bashar al-Asad është në pushtet.
Bauer theksoi –në një intervistë televizive të dhënë të mërkurën– se “Presidenti Barak Obama ka bindje të fortë se nuk mund ti jepet drejtim problemit të ISIS-it në mënyrë të përhershme për aq kohë sa problemi i Beshar Asadit nuk ka marrë zgjidhje.”
Zyrtarja Amerikane vuri në dukje se ndër arsyet që i motivon “terroristët e huaj për tu dyndur në Siri, është dëshira për të luftuar kundër al-Asadit, pasi ata i shohin sulmet që bën regjimi sirian me fuçi shpërthyese dhe klor, prandaj këto probleme nuk mund të ndahen nga njëra-tjetra.”
Bauer theksoi rëndësinë që ka bindja e Rusisë dhe Iranit që të ndalojnë mbështetjen që i japin Asadit dhe shtoi se: “Mbështetësit e al-Asad duhet ta kuptojnë paralajmërimin se regjimi jo legjitim dhe lufta civile nuk do të ndalojnë vetëm kur Asadi të le pushtetin.”
Ndërsa sekretari amerikan i Shtetit John Kerry javën e kaluar tha –në një takim që pati me kryetarin e Koalicionit Kombëtar të forcave opozitare dhe Revolucionare siriane, Halid Hoxha– se regjimi sirian e ka humbur legjitimitetin e tij dhe se Siria duhet të fillojë një fazë tranzitore që rrëzon regjimin e Asadit dhe i hap rrugën një qeverie që përfaqëson vullnetin e të gjithë popullit.
Deklaratat vijnë në një kohë kur Shtetet e Bashkuara kanë iniciuar në Gjenevë të Zvicrës, një dialog mes palëve siriane nën kujdesin e Kombeve të Bashkuara, me pjesëmarrjen e dyzet e partive Siriane –përfshirë edhe kryekomandantë të grupeve të armatosura– rreth njëzet palë ndërkombëtare, plus delegacionin e regjimit sirian, si dhe i dërguari i OKB-së Stefan de Mistura.
I dërguari i OKB-së tha se takimet e Gjenevës nuk kanë për qëllim të jenë një konferencë, pra jo si tre Konferencat e Gjenevës, që do të thotë se ato nuk ngrihen në nivelin e negociatave reale, ndaj theksoi se në këtë kontekst ai nuk pret nxjerrjen e të dhënave apo publikimeve përfundimtare nga dialogu aktual.
