Sekretari i Shtetit, Rex Tillerson, është njeri i qetë në ekipin e politikës së jashtme të SHBA-së të presidentit Donald Trump, por duket se bëhet fjalë për një strategji të gjerë, e cila synon zgjidhjen e krizës me Korenë Veriore përmes bashkëpunimit me Kinën, ndwrsa me Rusinë po përpiqet që të zgjidhë çështjen e Sirisë dhe Ukrainës, shkruan “Washington Post”.
Qasja e Tillerson bazohet në diplomacinë përmes kontakteve direkte me liderët rusë dhe kinezë, dhe përmes kanaleve private të komunikimit deri te Koreja Veriore.
Disa analistë konsiderojnë se lëshimet e raketave dhe testet nukleare të Koresë Veriore janë përpjekje për të siguruar një pozicion sa më të mirë para bisedimeve.
Tillerson duket se bazohet në faktin, se Kina mund të fillojë bisedimet për vendosjen e embargos së naftës.
Ai porosit Pekinin se veprimi i presidentit Xi në zgjidhjen e krizës në Gadishullin korean do t’i japë formë raporteve Kinë-SHBA për 50 vjetët e ardhshme, shkruan gazeta.
Tillerson vazhdon të punojnë me rusët, pavarësisht sanksioneve të reja.
Edhe pse raportet SHBA-Rusi janë përkeqësuar, Tillerson beson se ato do të përparojnë në lidhje me Ukrainën dhe Sirinë, vlerëson Washington Post. /tesheshi.com/
