Rreth pesëdhjetë anëtarë të grupit paraushtarak mercenar rus Wagner u vranë në një sulm të grupeve të armatosura dhe rebelëve në veri të Malit në Afrikë, ndërsa të paktën dy u kapën dhe, sipas një analisti, kjo është disfata më e madhe në fushën e betejës i këtij formacioni ushatarak rus në Afrikë.
Burrat e Wagner ishin duke hipur në një autokolonë përgjatë kufirit Mali-Algjeri fundjavën e kaluar kur u zunë pritë, tha Wassim Nasr, një specialist në rajonin e Sahelit nën-Saharian që punon për konsulencën e sigurisë së Qendrës Soufan.
Wagner konfirmoi përmes Telegramit se disa nga luftëtarët e tij u vranë së bashku me ushtarët malianë në një betejë me qindra luftëtarë të armatosur.
Grupi mercenar nuk tha se sa njerëz humbi në betejë, por u konfirmua se ishin vrarë 50 anëtarë të grupit Wagner “në shenjë hakmarrjeje për masakrat që ata kryen” në Malin qendror dhe verior gjatë viteve të luftimeve me grupet e armatosura.
“Kjo është vërtet e rëndësishme. Nuk ka ndodhur kurrë më parë në tokën afrikane dhe do të ndryshojë dinamikën”, tha Nasr dhe shtoi: “Ata (Wagner) nuk do të dërgojnë më ekspedita të trazuara si kjo në kufirin me Algjerinë. Ata mburreshin se sa mirë po ia dilnin dhe sa të fortë ishin, por nuk kishin fuqi njerërore për ta bërë këtë për një kohë të gjatë ose për të mbajtur territorin për të siguruar dislokimin e forcave”.
Rusia fitoi kapital politik nga përkeqësimi i marrëdhënieve të Perëndimit me tre vendet e rajonit të Sahelit sub-Saharian ku shpërthyen grushtet ushtarake, kështu që dërgoi luftëtarë atje dhe rriti ndikimin e saj.
Wagner është aktiv në Sahel, me mercenarë që përfitojnë nga pasuritë minerale të sekuestruara në këmbim të shërbimeve të sigurisë që u ofrohen qeverive.
Wagner ka qenë i pranishëm në Mali që nga fundi i vitit 2021 kur atje shpërtheu një grusht shteti dhe zëvendësoi ushtarët francezë dhe paqeruajtësit ndërkombëtarë në luftën kundër grupeve që kanë sulmuar popullsinë në pjesët qendrore dhe veriore të vendit për më shumë se një dekadë.
Vlerësohet se Wagner ka rreth një mijë luftëtarë në Mali.
Formacioni akuzohet se ka ndihmuar sulmet me dronë që vrasin civilë. /tesheshi.com/
