Lëvizja Vetëvendosje, ka mbajtur një konferencë të jashtëzakonshme për media për aktivistin e ndejrë Astrit Dehari, i cili në rrethana të paqarta ndërroi jetë dje në burgun e Prizrenit ku po qëndronte prej 68 ditësh.
Drejteusit e VV-së, kreu Visar Ymeri dhe sekretari i përgjithshëm Dardan Molliqaj drejtëpërsëdrejti fajtor për vdekjen e Astritit e kanë bërë pushtetin aktual.
Ata ka bërë të ditur se Astriti ka shkuar i vdekur në spital, duke hedhur poshtë kështu deklarimet e bëra nga institucione të caktuara të shtetit se Astrit Dehari ka vdekur në spital.
Kreu i VV-së, Visar Ymeri tha se përgjegjësia është e shtetit pasi Astriti ka vdekur në burg, ku po qëndronte padrejtësisht pas akuza të fabrikuara.
“Vdekja e Astritit është përgjegjesia e shtetit, duke thënë se ai u mbajt në burg 68 ditë pas asnjë të drejtë. Mbështetim plotësisht kërkesëne familjes dehari për angazhimin e mjekëve të pavarur për bërjen e autopsisë për Astritin“, ka thënë Ymeri.
Molliqaj: Gjasat janë të vijnë ekspertë të mjekësisë ligjore nga Shqipëria dhe nga Zvicra
Dardan Molliqaj, sekretar i VV-së, tha se vdekja e Astritit nuk është një fateqësi dhe një gjë të tillë duhet ta kuptojnë të gjithë qytetarët, por sipas tij vdekja e tij ndodhi si rezultat i në persekuptimi të pashoq të pushtetit, apo siç tha regjimit aktual që ia bën çdo aktivisti, punëtore, mësuesi etj, që e kundërshtojnë atë.
“Në burg nuk ka liri, në burg vetëm mendjen e ke të lirë, çdo veprim tjetër është nën kontrollën e institucioneve, kur del në shtëtitje, kur ushqehesh, apo kur ke vizitë te mjeku, kur merr tableta. Pra, çkado që ndodh në burg është përgejgjësi e institucioneve.
Deklaratat e djeshme dhe kontrakdiktore e kanë bërë veç më të rëndë vdekjen e Astritit.
Tri institucione, japin deklarata kontradiktore. Pse kjo nguti?
Astriti nuk ka vdekur në spital, Astriti ka shkuar i vdekur në spital”, ka thënë Molliqaj, në konferencë.
Ai ka treguar se i ndjeri Astrit Dehari ka bërë analizat në burg të cilat janë të deponuara tek organet e burgut, analiza që kanë treguar se nuk vuan nga asnjë problem.
“Astrit Dehari, nuk ka qenë duke marrë asnjë medikament sa ka qenë duke qëndruar në burg. Si u bë që deklarimi i policisë ka vdekur nga barnat.
Medikamentet merren vetëm me udhëzues të mjekut dhe dhe oficerëve korrektues, dhe duhet t’i përpish në prezenën e mekut dhe shërbimit korrekutes”, tha Molliqaj.
I pyetur në lidhje me obduksionin ndaj të ndjerit, Molliqaj ka thënë se gjasat janë që të vijnë ekspertë të mjekësisë ligjore nga Shqipëria është nga Zvicra.
“Edhe sot kur po flasim ende nuk i është bërë autopsia. Mundësitë janë që të ketë ekspertë ligjorë nga Shqipëria, duke mos përjashtuar se mund të ketë edhe nga Zvicra. Por, me shumë gjasë do të jenë nga Shqipëria”, ka thënë Molliqaj.
Sekretari i VV-së bëri të ditur se nga ora 17:00 aktivistë të VV në sheshin “Skëndërbe”, do të bëjnë homazhe për Astritin dhe njëherit do të kërkojmë drejtësi për rastin.
Ndryshe, familja Dehari ka njoftuar se nuk do të bëhet sot varrimi i birit të tyre.
Përgatiti: Blendi Gashi / tesheshi.com
