Vetëvendosje në Kosovë ka kundërshtuar ashpër lejimin e operatorit të ri serb të telefonisë celulare “MTS” që pritet të fillojë shërbimin në Kosovë.
“Kjo do të ketë pasoja për sigurinë e vendit. Kjo marrëveshje duhet të kundërshtohet fuqishëm dhe përgjegjësit duhet t’i përgjigjen popullit”, u tha në një konferencë të organizuar nga VV.
Visar Ymeri, kreu i saj, tha se kompania të cilës duan t’i japin leje për operim, është kompani shtetërore e Serbisë dhe se me këtë bëhet integrim i plotë i sistemit të Serbisë në Kosovë. “Rrjeti i telefonisë prej Kosovës në Serbi, do të konsiderohet lokal”, tha Imeri.
Ndërsa Ismet Hamiti, ekspert, tha se Kodi për Kosovën mund të zgjidhet pa Serbinë. Sipas tij Kosova mund të aplikojë për kodin ndërkombëtar edhe pa qenë pjesë e OKS-së. /tesheshi.com/
